Sámediggi > Divvun
 
Font size:      

Preassadieđáhus, 13.06.2005

Preassadieđáhus

Beaivi: 13.06.2005
Gulahallanolmmoš:
Prošeaktajođiheaddji Sjur Nørstebø Moshagen, tel. mob. +358 50 56 34 319

PRD: Sámediggi rahpá neahttasiiddu Divvun-prošeavtta várás

Sámediggi álggahii 1.10.04 prošeavtta ulbmiliin ráhkadit sámi korrektuvrareaidduid. Divvun-prošeakta rahpá dál iežas neahttasiiddu, mas leat juo almmolaš informášuvdna ja eanet prošeaktasiskkáldas dieđut.

Divvun-prošekta vuođđu lea ollu rapas gáldokoda, ja boahtá ieš diktit reaidduid leahkit gávdnamis rabas gáldokodan nu guhkás go máŧolaš. Giellateknoprošeavttat hui hárvvuin almmostahttet iežaset siskkáldas dukumentášuvnna. Almmustahttin siskkilda dan dihte ahte unna giellaservodagažiin, main lea hállu álggahit sin iežaset giellateknoprošeavttaid, lea mihá buoret vuolggasadji dál go ovdal.

Neahttasiiddut vástidit vuođđogažaldagaid prošeavtta birra, nugo áigeplána, ovddideami ja geahččalanveršuvnnaid birra, ja boahtá leahkit ávkkálaš informášuvdnagáldu gait berošteddjiide. Rabas gáldokoda vuođđojurdagiid mielde prošeakta bidjá varga visot dokumentášuvnna mii gullo bargui neahttasiidduide. Berošteaddjit besset dáinna lágiin ee. čuovvut barggu vahkus vahkkui.

Divvun.no almmolaš siiddut galget leahkit máŋggagielagat, ja leat visot potensiálalaš geavaheddjiid várás miehtá Davviriikkaid. Prošeaktasiskkáldas siiddut leat eanas eŋgelasgillii. Prošeakta áigu dahkat vuosttas geahččalanveršuvnna stávenkontrollas birrasiid jahkemolsuma. Dát šaddá davvisámi stávenkontrolla.

Ođđa prošeaktaneahttasiidduin lea almmolaš rahpan gaskavahku 22.06.05 d. 12.00 Árrama julevsámi guovddážis Ájluovttas.