Mo korrektuvraprográmma ráhkaduvvo

Čállindárkkistanprográmma ráhkaduvvo ovttas sámi giellateknologiijaprošeavttain Romssa universitehtas. Romssa universitehta prošeakta lea ráhkadan prográmma mii sáhttá sojahit sániid ja dulkot sojahuvvon sániid. Dát bargu geavahuvvo vuođđun go korrektuvraprográmmat ráhkaduvvojit

Programmerárat heivehit teavsttaid lingvisttaide nu ahte sii sáhttet gieđahallat teavsttaid, iskat dovdá go prográmma buot sániid ja sátnehámiid. Lingvisttat lasihit sániid leksikonaide ja muddejit analysáhtora grammatihka go lea dárbu. Dán láhkái leksikonat buoriduvvojit ja viiddiduvvojit dađistaga.

Danne go korrektuvraprográmma galgá doaibmát sihke Windowsis, Linuxis ja Mac OS X:s, de ferte doarjut dáid vuogádagaid teknologiijaid. Prošeakta áigu ráhkadit prográmmaid mat konverterejit Romssa universitehta formáhta dakkár formáhttan maid vuogádagat gáibidit.

Dađistaga go prošeakta ovddiduvvo, de korrektuvraprográmma geahččalanveršuvnnat almmuhuvvojit. Daid sáhttá viežžat prošeavtta fierpmádatsiidduin nu ahte lea vejolaš geahččalit daid.

Maŋemuš rievdaduvvon: $Date: 2008-10-09 09:14:41 +0200 (tor, 09 okt 2008) $, Čállán $Author: thomas $