Divvun.no áigeplána

• Vuosttas alfaveršuvdna ođđajagemánu 2006
• Betaveršuvnnat ođđajagemánu 2007
• Loahpalaš veršuvdna suoidnemánu 2007
• Prošeakta loahpahuvvo čakčamánu 2007

Áigeplánas dás vuolábealde leat deháleamos mihttomearit merkejuvvon kodaiguin. Dát kodat dulkojuvvojit ná:

ALFA:

Vuosttás doaibmi veršuvdna, ii leat gielalaččat dievaslaš, korrektuvraprográmma dáidá reakčanit, ja velá prográmma mii geavaha dan. Geavaheaddjidokumentašuvdna ii leat áibbas válmmas, iige jorgaluvvon.

BETA:

Korrektuvraprográmmat leat buori muddui válbmasat ja stabiillat, geavaheaddjidokumentašuvdna lea válmmas, muhto ii olámuttos buot gielain, iige leat korrektuvra lohkkon. Lingvisttalaččat válmmas, vaikkoge váilot muhton sánit. Earenoamážit dát guoská julevsámegillii.

FINAL:

Korrektuvraprográmmat leat vuđolaččat geahččaluvvon, leat ollislaččat ja stabiillat. Geavaheaddjidokumentašuvdna lea korrektuvralohkkon ja jorgaluvvon buot gielaide. Sajáiduhttinpáhkat leat válbmasat ja geahččaluvvon. Korrektuvraprográmmat leat olámuttos buot geavaheddjiide.

aSpell:

Korrektuvraprográmma ráhkaduvvon rabas prográmmagáldus. Olámuttos friddja oassin Windowsii, Linuxii ja Mac OS X:ii.

InDesign:

Sátnejuohkin integrerejuvvon Adobe InDesign prográmmii Mac várás (várra Windows várás maid)

MSOffice:

Čállindárkkisteapmi ja sátnejuohkin integrerejuvvon Microsoft Officii, sihke Windows ja Mac várás.

OpenOffice.org:

Čállindárkkisteapmi, várra maid sátnejuohkin, integrerejuvvon OpenOffice.org:ii, buot golbma operatiivavuogádaga várás.

Almmolaš áigeplána, nugo prošeaktastivra dohkkehii dan juovlamánu 2004:s, álggahan- ja loahpahandáhtoniin, ja mihttomearit juohke jahkebeallái.

Golggotmánu 1. b. 2004:

Almmolaš álggahandáhton, prošeaktajođiheaddji álgá.

Ođđajagemanu 1. b. 2005:

Prošeavtta duohta álggahandáhton, buot prošeaktabargit leat álgán.

Suoidnemánu 1. b. 2005:

Maŋemuš beaivvemearri almmolaš fállagiidda daidda osiide prošeavttas mat ostojuvvojit. Infrastruktuvra lea válmmas, prošeaktaorganisašuvdna ja -kommunikašuvdna doaibmá bures.

Ođđajagemánu 1. b. 2006:

Šiehtadusat olgguldas bálvalusbuktiiguin leat gárvvis ráđđádallon ja vuolláičállon, ja ovttasbargu lea álggahuvvon singuin. Davvisámegielat korrektuvraprográmma vuosttas veršuvdna, man vuođđu lea rabas gáldokoda, lea válmmas (aSpell-ALFA).

Suoidnemánu 1. b. 2006:

Davvi- ja julevsámegielaid vuosttás geahččalanveršuvnnat kántorprográmmaid várás (MSOffice-ALFA, OpenOffice.org-ALFA), vuosttas geahččalanveršuvdna davvisámegielat sátnejuohkimis (InDesign-ALFA). Teakstačohkken geargan ja loahpahuvvon.

Ođđajagemánu 1. b. 2007:

Buot korrektuvrareaidduid nubbi veršuvdna lea gárvvis (aSpell-BETA, MSOffice-BETA, OpenOffice.org-BETA, InDesign-BETA).

Suoidnemánu 1. b. 2007:

Korrektuvrareaiddut leat gárvásat, ja veršuvdna 1.0 lea almmolaččat vieččahahtti (aSpell-FINAL, MSOffice-FINAL, OpenOffice.org-FINAL, InDesign-FINAL).

Čakčamánu 30. b. 2007

Prošeakta lea loahpahuvvon, buot dokumentašuvdna ja prošeaktadieđut leat válbmasat ja geigejuvvon bistevaš fuolahanorganisašuvdnii. Smávit vigit mat leat gávdnon maŋŋágo 1.0-veršuvdna almmuhuvvui leat divvojuvvon.

Korrektuvraprográmmaid ferte álo ođasmahttit, sihke gielalaččat (dannego giella álo rievdá) ja teknihkalaččat (ođđa prográmmaid ja vuogádatveršuvnnaid dihte). Danne dárbbašuvvoge bistevaš organisašuvdna man ovddasvástádus lea ođasmahttit prográmmaid gielalaččat ja teknihkalaččat. Eará bargu dán organisašuvnnas lea álggahit prošeavtta vai šaddet seammá prográmmat máttasámegiela várás.