Præssadiededibme, 10.12.2007

Præssadiededibme

Biejvve: 10.12.2007
Guládallamålmåj: Prosjæktajådediddje Sjur Nørstebø Moshagen, tel. mob. +358 50 56 34 319

PRD: Sámedigge riektatjállemprográmma: Versjåvnnå 1.0.

Sámedikke Divvun-prosjækta almot uddni riektatjállemprográmma vuostasj almulasj versjåvnåv. Almodibme le Oslon, gasskavahko, javllamáno 12. b. kl. 10.00, Máhtudakdepartementa Y-dåben, lanján Y1000 ("Medierommet"). Almodimen le Sámedikke presidænnta ja Sámedikkeráde, Máhtudakdepartementa politihkalasj stivra representánnta, prosjektjuogos ja prosjektstivrra. Medija le buorisboahtem.

Sáme riektatjállemnævvojt almodibme le ájnas lávkke látjedijn sajev sáme gielajda ådå ájge IKT-sebrudagán, ja sjaddá viehkke ållo sámegielagijda, ma ælla åvddål máhttám jali duosstam tjállet ietjasa giellaj.

Sámegiella divvomnævojs la nuortta- ja julevsáme riektatjállemprográmma ja báhkojuogos. Nævojt dåhkki nåvkå viedtjat. Divna gálldokåvddå majt Sámedigge æjggu li aj rápasa gájkajda GPL-lisensa vuolen.

Riektatjállemprográmma doajmmá Microsoft Office-páhkan gånnå prográmma Word, Outlook, PowerPoint ja Excel gávnnuji. Báhkojuogos ja stávvimkontrållå InDesignaj ja nævo OpenOffice.orgaj båhti maŋŋel. Dåhkki adnet OpenOffice.org, majt nåvkå máhttá viedtjat, Microsoft Offica sajen, dát doajmmá aj Linuxin. Riektatjállemprográmma ådåstuhteduvvá maŋenagi ja biejaduvvat ålgos duolloj dálloj.

Riektatjállemnævojt dåhkki viedtjat Divvun-prosjevta sijddabielen www.divvun.no. Dåhkki aj dájt nævojt viedtjat Sámedikke sijddabielen.

Vuona Sámedigge háldat Divvun-prosjevtav, mij ruhtaduvvá Sámedikkes, Barggo- ja Inkluderimdepartementas, Kultuvrra- ja girkkodepartementas, Máhttudakdepartementas ja Nordplus Sprogas. Prosjækta aktisattjat barggá Råmså universitehta giellateknologijabirrasijn. Polderland Language & Speech Technology bv la integrerim MS Offica vuossti.

 
UiT Norgga árktalaš universitehta